既然係咁，決定幫Argeise查個女人定繼續幫個女人做打手之前，我地去調查埋上次搵到既新墓穴先
查多啲紅袍女人既野再決定下一步點做
S6 Decaying Crypt
MINDTHIEF (B)
SCOUNDREL (V)
TINKERER (T)
有個偉大既傭兵曾經講過，如果人生無詭計，又有咩樂趣可言？
所以，我地度左條詭計
為左得到更多資訊，我地選擇清除充滿惡魔既墓穴，算係幫緊班祭司手既同時，睇下套唔套到紅袍女人既料
另一方面，連班祭司都覺得呢個墓穴係大麻煩，咁啲寶物一定無人郁過！
一舉幾得，何樂而不為？
我地一路上都覺得呢個決定太好，直到我地打開個墓穴洞口，，先知道大錯特錯，後悔莫及
唔係腐爛既廢墟，唔係果啲係陰影入面蠢蠢欲動既不死生物，而係氣味
空氣中瀰漫住死亡，腐肉同失去靈魂既氣味
你問我失去靈魂既氣味係咩？
就好似一個永生不滅又失去左自主意識既軟泥怪，不斷累積臭味，每一秒鐘都比前一秒更臭
總之，就係種令你全身本能都想後退既臭
正當我地本能地後退既時候，墓穴個洞口自動關左
⋯⋯⋯⋯⋯⋯
掉那媽，頂硬上！
呢個地方，黎黎去去都係腐屍，骷髏士兵同不死靈魂
除住怪物既減少，臭味亦都慢慢散去，我地都執到件寶物同唔少既金幣
正當我地打算調查下個墓穴有無神秘密室，再慢慢盤算下點樣向果班祭司報告攞著數既時候，身後面竟然傳黎拍掌聲
我地以為係仲有不死生物未死，都本能地預備好自己既武器
但係拍掌既係一個著住連帽袍既「人」，我地睇唔清頂死人帽入面既野，只係見到佢則面依稀有少少笑容
睇黎來者唔係敵人，至少而家唔係
即使有笑容，佢既氣勢依然係來勢洶洶
「先生，做得好」條友講野高低起伏都幾大「噢!你地的確有一手」佢一路講一路企係原地
「你地搞掂左呢個墓穴入面失控既不死原素，已經引起我地既注意」
睇黎條友一直係背後睇住我地
「我地都希望不死生物係受到控制既，係咪？」
最好死左就死左啦，控制黎做乜？
條友停左好耐冇出聲，淨係望住我地笑
忽然呢，又出聲講野，嚇死人咩
「嗯......你地應該可以好好人咁幫我地一個忙，去補償返殺左我既人呢個問題」條友講野終於唔再笑
我地都估到佢係班祭司之一，係估唔到咁快搵上門
「GLOOMHAVEN入面有個死靂法師，專搵我地麻煩，仲請左班傭兵黎對我地做手腳，你地應該見過面」
你大我呀？即刻講緊我地啦
「殺左個紅袍女人，帶佢人頭黎我地總部，咁樣，我地可以唔殺你比條生路你行！」
條友放低左一人5蚊就走左去，不過佢既情報仲緊要過呢５蚊
S6 完
Unlock Gloomhaven Warehouse (S8)
Party Achievements: Jekserah's Plans, Dark Bounty
SCOUNDREL (V)
TINKERER (T)
Party Achievements: Jekserah's Plans, Dark Bounty
雖然比條祭司大到，但我地得到一個好重要既資訊
條紅袍女人係一個死靈法師
雖然條祭司講既野唔100%可信
不過，種種跡象睇黎，個女人係死靈法師既機會都好大
先係拎Ｄ文件入面MARK左墓穴，然後叫我地去襲擊一個睇黎冇乜問題既部落，然後Argeise仲話佢古古怪怪
佢肯定係一個死靈法師！唔係一個商人咁簡單！
不過我地應該幫邊面？
幫Argeise?幫個女人?定係幫祭司??
既然我地係傭兵，一於將利益最大化，先搞清楚個女人係咩來頭先
S8 GloomHaven Warehouse
MINDTHIEF (B)SCOUNDREL (V)
TINKERER (T)
有見及此，我地返到GH之後，即刻聯絡返Argeise
「點？」
我地收到風，個紅袍女人係個死靈法師
「咁我地去佢個倉庫睇睇」
GOGOGO!
「等等！我地夜晚先行動！」
明明我地係正當既一方，點解要夜晚先行動？
「因為要暗中調查」
傻架？死靈法師唔係夜晚勁Ｄ咩？萬一佢真係識召喚不死生物咪好難搞？
「萬一佢唔係，日頭去比人發現左，軍隊會好麻煩」
真係麻鬼煩，不過既然佢咁講，我地唯有入夜先行動
當晚我地利用夜色掩護，成功潛入左佢個倉庫入面，如果夠運既話，應該可以揭露佢既計劃
當然，話曬我地就黎冇飯開果陣，係佢請我地拎返Ｄ文件比佢，先頂到今日，我地都希望搵到既係一個普通既倉庫
可惜事與願違，我地搵到既充滿不死生物既倉庫......
好明顯，佢真係想係GH入面召喚一個不死軍團去推翻軍隊，控制GH
「係時候比呢班怪物安息啦」
Argeise同我地分成兩隊，一隊負責倉庫既左面，一隊就右面
雖然不死生物都幾多，但倉庫太窄既關係，佢地唔可以一次過圍住我地，只可以一隻隻咁上
我地慢慢清左條路出黎，仲搵到份地圖，又MARK住左一個地方，希望我地得閒去查既時候唔係另一個墓穴 (S70 Chained Isle)
我地沿路清入去一間後房，終於比我地搵到個紅袍女人，仲有佢既保鏢
「所以你地決定黎阻止我？」
講真，我地想黎查下你搞乜鬼先，又冇話阻止你既....
「你地一定會後悔!我一定會帶住不死軍團返黎GH!」
都話左未決定點做咯，唔聽人講既？
「睇住黎呀！」
個紅袍女人聽都唔聽我地講野就跳窗走左
正當我地想追既時候，佢Ｄ保鏢就走上黎阻止曬
「受死啦！」
呢兩個保鏢得個大字，好快就比我地打死
我地追去窗口果陣，個女人已經唔見到
唉，今次唔阻止佢都唔得啦，咁仲去唔去搵粒鑽石好？
「人呢？」
走Ｑ左啦，又唔封鎖呢到先
「佢有冇講低Ｄ乜野？」
佢大我地話會帶不死軍團返黎圍攻GH，叫我地小心Ｄ
「咁睇黎你地要去隊冧佢，如果唔係大家都唔掂」
我地？冇聽錯呀？你唔去呀？
「我既情報網只限GH入面」條守衛Argeise聳聳肩咁講「條友走左出城，唔到我管」
傻架？咁點解我地要去呀？
「因為你地係傭兵，個女人咁危險，軍隊一定會懸賞，你搞掂佢，再拎佢個頭搵隊長，一定會有錢比你既，放心」
講係咁講，點搵佢呀？有錢收都要知佢係邊先得架？
「你去搵我地鎮上面既魔法師Aesther，如果佢肯幫你既話，要搵個女人冇難度」
如果？
唉，算數啦，單JOB做左一半唔做落去好浪費，搵左個魔法師先再諗啦
S8 完
Unlock Vibrant Grotto (S7) Temple of the Seer (S13) Frozen Hollow (S14)
Global Achievement: The Merchant Flees
Rewards: +2 reputation
Global Achievement: The Merchant Flees
Rewards: +2 reputation
沒有留言:
張貼留言